927.Computer Hardware පාඩම-16 (Peripherals)

Computer Hardware පාඩම-16 (Peripherals)

Computer Hardware පාඩමපාඩම් මාලාවේ දහසය වැනි ලිපිය තමයි අද ඔයාලට දෙන්නේ මුල් ලිපි  පහලොවම​  ඔයාලා කියවන්න ඇතිනේ කියවපු නැතිකෙනෙක් ඉන්නවනම් මෙතනින් ගිහින්  පහලොවම​   බලාගන්නකෝ.

 අද අප කතා කරන්න යන්නේ Peripherals ගැන බොහෝම කෙටියෙන්.

මොනවාද මේ  Peripherals කියන්නේ.

Computer Peripherals යනු පරිගනකයේ ඇතුලත කොටස් නොවන පරිගනකයට සම්බන්ධ කර ඇති උපාංග වේ. මේවාට Input/Output devices ඇතුළු ලොකු පරාසයක උපාංග ගණනාවක් අයත් වේ. ලොකු විස්තරයක් නොකියා කෙටි සටහනකින් මේවා හඳුන්වා දීමට තීරණය කළා. එහෙම නැතිනම් මේ පාඩම් මාලාව ලියවෙන එකක්ම නැති වේවි.

පළමුව අප ප්‍රධාන Output devices එකෙන් පටන් ගමු.

මොනිටරය Monitor

පරිගනකයක ප්‍රධානම Output devices එක මොනිටරයයි. විවිධ මොනිටර් භාවිතයේ පවතිනවා. ඒවා අතරින් කලින් බහුලවම භාවිතා වූයේ CRT Monitor. මේ නම සැදී ඇත්තේ Cathode Ray Tube යන වචනය කෙටි වීමෙන්. මෙහි රූපය සෑදෙන්නේ ඉදිරිපස තිරය හා පසුපස ඇති සන්නායකය අතර ඇතිවන අධි වෝල්ටීය තාවයෙන් නිකුත් වන කැතෝඩ කිරණ ඉදිරිපස ඇති රසායන ආලේපිත තිරයේ වැදීමෙන් නිකුත්වන වර්ණ වත් ආලෝක ලප වලින්. මේවායේ වර්ණ ඉතා පැහැදිලි ස්වභාවික වර්ණයට බොහෝ ආසන්න තත්වයේ පවතිනවා.

රූපය 01

මේවායේ ඇති අවාසිය වැඩි විදුලි පරිභොජනය, වැඩි ඉඩක් ගැනීමයි. මේවා දැන් භාවිතය ක්‍රමයෙන් අඩුවන අතර ඒ අඩුව පුරවන්නේ LCD Monitor.

රූපය 02

රූපය 03

LCD මොනිටරයක (වර්ථමානයේ නම් භාවිතා වෙන්නේ TFT LCD) හෝ LED මොනිටරයක රූපයක් ඇති වීමේ ක්‍රමය කැතෝඩ කිරණ ඩිස්ප්ලේ එකකට වඩා වෙනස්. මෙහි රූපය ජනනය වන්නේ Liquid crystal වලිනි. මේවාද කැතෝඩ කිරන නල මෙන්ම කුඩා පික්සල් ගණනාවකින් සැදී ඇත. ආකාර දෙකක LCD Screen ඇත.

1 Active Matrix

මේවායෙන් ආලෝකයක් පිට නොවේ. එනිසා සෑදෙන රූපය අපට නොපෙනේ. එම රූපය අපට දර්ශනය වීමට නම් පසුපසින් ආලෝක ප්‍රභවයක් සැපයිය යුතුය. මේ සඳහා කාලයක්ම භාවිතා කලේ ප්‍රතිදීපන ආලෝකයයි (Fluorescent light). මෙය ඔබ නිවසේ භාවිතා කරන ටියුබ් ලයිට් හෝ CFL බල්බ් එකක ඇති ආකාරයේම ආලෝක ප්‍රභවයකි. නමුත් වර්ථමානයේ ඒ සඳහා භාවිතා වන්නේ LED බල්බයන්ය. සමහර විට ඔබ දැක ඇති විදුලිපන්දම් සඳහා භාවිතා කරන සුදුපැහැ ආලෝකයක් නිකුත් කරන LED. වර්ථමාන LED screen වලද භාවිතා වෙන්නේ මේ හා සමානම ආලෝක ක්‍රමයකි. අද බොහෝදෙනා කතා කරන විට LED මොනිටර් ලෙස හඳුන්වන්නේ මෙම මොනිටර්ය. රූපවාහිනී සම්බන්ධයෙන්ද එසේමය. වෙනසකට ඇත්තේ Fluorescent වලට වඩා LED අඩුවෙන් විදුලිය පරිහරණයයි. ඒ නිසාම විදුලි පරිභෝජනය අතින් වැඩිම වාසිදායක LED LCD screen භාවිතා කිරීමයි.

2 Passive Matrix Display

මේවායේ ආලෝක ප්‍රභවයක් නැත. ඔබ නිතර දැක ඇති ඉලෙක්ට්‍රොනික ඔර්ලොසු, කැල්කියුලේටර් ආදියේ ඇත්තේ මෙවැනි ස්ක්‍රීන්ය

රූපය 04

TFT යනු වෙන් හඳුන්වන්නේ Thin film transistor liquid crystal display යන්න කෙටියෙනි.

මේ අනුව පරිගනකයට අඩුම විදුලි ප්‍රමාණයකින් භාවිතා කල හැකි වන්නේ LED LCD මොනිටර් වේ. එහෙත් වඩාත් ස්වභාවික වර්ණ ලබාගැනීමට නම් තවමත් ඉදිරියෙන් ඇත්තේ CRT මොනිටර් වේ.

මොනිටරයක ප්‍රමාණය හා පළල හා උස අතර අනුපාතය. 

මෙය LCD හා CRT යන දෙකටම පොදු ආකාරයට කතා කරමු.

මොනිටරයක ප්‍රමාණය දක්වන්නේ අඟල් වලිනි. මෙය සෙන්ටිමීටර් හෝ මිලි මීටර් වලින් දැක්විය හැකි වුවත් තවමත් අඟල් ඒකකය භාවිතා වේ. මෙය ගණනය කරනු ලබන්නේ එහි විකර්ණයක දිග ලිසයි. එහි මොඩල් අංකය බොහෝවිට මෙම අගයෙන් නිරූපනය වේ.

රූපය 05 

උදාහරණයක් ලෙස E1912H යනු විකර්ණය අඟල් 19ක් වූ (ඉහත රූපයේ රතු පැහැ ඊතලය) මොනිටරයකි.

උස හා පළල අතර අනුපාතය අනුව මොනිටර් ආකාර දෙකක් වෙළඳ පොලේ බහුලව ඇත. මුලින් පැවතියේ 4:3 අනුපාතයේ මොනිටර්ය. ඉහත රූපයේ ඇත්තේ එවන් මොනිටරයකි. නමුත් දැන් ඇති LCD මොනිටර් සියල්ලම පාහේ 16:9 අනුපාතයේ පුළුල් තිර ඒවායි. (රූපය 03). සාමාන්‍ය භාවිතයට වඩා සුදුසු 4:3 අනුපාතයේ ඒවා වුවත් දැන් ඒවා වෙළඳපොලේ සුලභ නැත. නිශ්පාදනය වන්නේ සීමිත ප්‍රමාණයකි. මිළ වැඩිය.

4:3 අනුපාතයේ එකක් නම් සාමාන්‍ය භාවිතයට අඟල් 14, 15 හෝ 17 පමණ ප්‍රමාණවත් වන අතර ප්‍රමාණය වැඩි වන විට විදුලි පරිහරණය වැඩිය.

එහෙත් 16:9 අනුපාතයේ එකක් නම් අඟල් 17 හෝ 19 සාමාන්‍ය භාවිතයට වඩා සුදුසු වේ. මේවාද ප්‍රමාණය වැඩිවත්ම වැඩියෙන් විදුලිය වැය කරයි. මෙම මොනිටර් වර්ථමානයේ නිපදවෙන පුළුල්තිර චිත්‍රපට බැලීමේදී නම් වැඩි විශාල රූපයක් ලබාගැනීමට වඩා සුදුසු වේ. පැරණි වීඩියෝ/ චිත්‍රපට නැරඹීමට නම් 4:3 අනුපාත ඒවා වඩා හොඳයි.

4:3 අනුපාත මොනිටර් VGA, SVGA, XGA, SXGA ආදී ලෙස අඟලට ඇති පික්සල් ප්‍රමාණය අනුව වර්ග කර ඇත. (බහුලව භාවිතාවූ රෙසලූශන්)

16:9 අනුපාත මොනිටර් WSVGA, HD/WXGA, WXGA ආදී ලෙස වර්ගීකරණය කළ හැක.  HD/WXGA (720x1280 හෝ වැඩි) HD හෙවත් High definition ලෙසද හැඳින්වේ.

මොනිටර් ගැන තවත් බොහෝදේ කතා කළ හැකි වුවත් මේ ප්‍රමාණවත් කියා හිතනවා.

යතුරු පුවරුව / Keyboard

පරිගනකයක වැදගත්ම කොටස කී බෝඩ් එක කියා ඇතැම් අය කියනවා. මෙය නිවැරදි අර්ථකථනයක් නොවුනත් කී බෝඩ් එක නැතිනම් පරිගනකයෙන් ඇති වැඩක් නැති තරම්. පරිගනකයකට වැඩිම දත්ත ප්‍රමාණයක් ඇතුලත් වෙන්නේ කී බෝඩ් එකෙන්. නිකමට කල්පනා කර බලන්න දිනකට ලෝකට පුරා ඇති පරිගනක යතුරුපුවරු වලින් දිනකට ඇතුලත් කරන අකුරු ගණන. මා එය දන්නේ නම් නෑ. ඒත් එය ලියන්න නම් පහසු වෙන එකක් නෑ. ඒ තරමට කී බෝඩ් එකේ භාවිතය වැදගත්. කීබෝඩ් ආකාර 3ක් දක්නට ලැබෙන අතර සාමාන්‍ය ඩෙස්ක්ටොප් කීබෝඩ් එකක යතුරු (කී) 101ක් ඇතුලත්. එය Windows Keyboard එකක් නම් 104ක්.  එහෙත් ලැප්ටොප් / නෝට් බුක් ආකාරයේ එකක මීට අඩු අතර ප්‍රමාණයෙන්ද කුඩාය. ලැප්ටොප් කී බෝඩ් එක් එක් නිශ්පාදකයා අනුව යතුරු ප්‍රමාණය අඩු වැඩි විය හැක. මීට අමතරව අතේ ගෙනයන උපකරණ හා ජංගම දුරකථන වල ඇත්තේ කුඩා ප්‍රමාණයේ වෙනස් ආකාර යතුරු පුවරු වේ.

සාමාන්‍ය ඩෙස්ක්ටොප් හා ලැප්ටොප් වල යතුරු සැකැස්ම සම්මත ආකාරයකට වේ. සාමාන්‍ය ඩෙස්ක්ටොප් යතුරු පුවරුව පහද ආකාර වේ.

රූපය 06

මීට අමතරව වැඩි කී ප්‍රමාණයක් ඇති කීබෝඩ් ඇත. මේවා මල්ටිමීඩියා කී බෝඩ් ලෙස හැඳින්වේ. ඒවායේ ඇති ෂෝට් කට් මගින් කලින් සකස් කර ඇති ඇප්ලිකේශන් එක් වරම ඕපන් කල හැකිය.

උදාහරණ.

මීඩියා ප්ලේයර් එක රන් කිරීම, නැවතීම, ශබ්දය අඩු වැඩි කිරීම...

රූපය 07

මවුස් උපකරණය / Mouse

මෙයත් වැඩියෙන්ම භාවිතා කරන උපකරණයක්. පෙර පැවතියේ බෝලයක් කරකැවෙන විට මවුස් පොයින්ටර් එක ගමන් කරනා ඒවා වුවත් ඒවායේ ඉක්මනින් කුණු බැඳී නිසි ලෙස චලනය නොවී යනවා. එහෙත් දැන් ඇති අධෝරක්ත කිරණ මවුස් වල එවන් අපහසුතා ඇතිවන්නේ නෑ. සාමාන්‍ය මවුස් එකක බට්න් දෙකක් හා පිටුව ඉහලට හා පහලට පෙරළීමට රෝදයක් (Scroll Wheel) ඇත. මෙම වීල් එකට බට්න් එකක් මෙන් ක්‍රියා කරන අතර එය ක්ලික් කිරීමෙන්ද සමහර ෆන්ශන් භාවිතා කළ හැක.

උදාහරණ. මෙය ලින්ක් එකක් මත ක්ලික් කිරීමෙන් බ්‍රව්සරයේ අලුත් ටැබ් එකක ලින්ක් එකට අදාළ පිටුව ඕපන් කිරීම.

ස්පීකර් /Speaker

අප පරිගනකයක් භාවිතා කරන විට දැන් කාලයේ ඇති පරිගනක බහුමාධ්‍ය (Multimedia Computer) නිසා ශබ්දය ඇසීමට ක්‍රමයක් තිබිය යුතුය. මේ සඳහා විවිධ ආකාරයේ ස්පීකර් පද්ධති භාවිතා කරයි. බහුලවම හමුවන්නේ ඩෙස්ක්ටොප් ස්පීකර් වේ.

වඩා හොඳ ශ්‍රවණයක් වඩා සජීවීව ඇසීමට සරවුන්ඩ් සවුන්ඩ් සිස්ටම් ඇත.

තමාට පමණක් කිසිවෙකුට කරදරයක් නැතිව ඇසීමට අවශ්‍ය නම් හෙඩ්ෆෝන් එකක් භාවිතා කරන්න පුළුවන්.

මේවායි කැමති එකක් ඔබේ කැමැත්ත අනුව තෝරා ගන්න. අලුත් පරිගනක වල බොහෝවට පසුපස වගේම ඉදිරි පසත් ඕඩියෝ කනෙක්ටර් ඇති නිසා ඩෙස්ක්ටොප් හෝ සරවුන්ඩ් සිස්ටම් එකක් ඇතත් තනිවම අහන්න ඕනි නම් හෙඩ් ෆෝන් භාවිතා කරන්න පුළුවන්. එය සවිකල සැනින් පසුපස කනෙක්ටරය ඩිසේබල් වේ.

ලැප්ටොප් / නෝට්බුක් සඳහා හෙඩ්ෆෝන් භාවිතා කළත් ස්පීකර් ඒ තුලම අන්තර්ගත නිසා වෙනම අවශ්‍ය නැත. කැමතිනම් සරවුන්ඩ් සිස්ටම් එකක් භාවිතා කරන්න පුළුවන්.

Game Control

විවිධ පරිගණක ක්‍රිඩා සඳහා මේවා භාවිතා වේ. ‍ජෝයිස්ටික්(Joystick), ගේම් පෑඩ්(Gamepad), ෆෝස් ෆීඩ් බැක් (Force Feedback) මේ අතර වේ.

ජෝයිස්ටික්

ගේම් පෑඩ් එකක්

ෆෝස් ෆීඩ් බැක් එකක්

අප මේ ලිපියෙන් කතා කලේ අද කාලේ කොම්පියුටර් සඳහා භාවිතා වන උපාංග හා මීට සුළු කාලයකට පෙර භාවිතා කළ උපාංග ගැනයි. මේවාට අමතරව තවත් බොහෝ උපාංග ඇතත් ඒ සියල්ල විස්තර කරන්න අදහසක් නෑ. වැදගත් යැයි හැඟෙන සියල්ල පිළිබඳව ඉතා කෙටියෙන් අපි කතා කළ අතර මේ සමගින් හාඩ්වෙයාර් පාඩමේ පළමු අදියර අවසන් වෙනවා. දෙවන අදියර සමග නැවත කොම්පියුටර් හාඩ්වෙයාර් ගැන කතා කරමු.සදා ජය​......

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

924.ස්වයංක්‍රීයව Windows7 වලට log on වීමට

ස්වයංක්‍රීයව Windows7 වලට log on වීමට

 

ඔයාලගේ computer එකේ  user Accounts ගොඩක් තියෙනව නම්. Windows වලට Log වීමට මොකක් හරි Account එකක් Click කරන්න ඕනෙ වෙනවනෙ. එහෙම නැතුව ඔයාල කැමති Account එකෙන් Log වෙන්න පුළුවන් Account එක Click නොකර. අද කියන්න එහෙම කොහොමද කරන්නෙ කියල. එහෙනම් නොදන්නා අය හොඳට මේ ලිපිය බලන්නකො.  

  

දැනගැනීම සදහා 

1. එක Account එකක් තියෙනව නම් කිසිම අවුලක්  නෑ Automatically Windows වලට Log වෙනවා password එකක් දාල නැත්නම්. 

2. Accounts එකකට වඩා තියෙනව නම් තමයි මගේ ලිපිය වැදගත් වෙන්නෙ. 

3. Password දමා තිබේ නම් Password ඉවත් කරන්න ඔබ Automatically Log වෙන Account 

එකේ. 

4. Password Field emty තිබියදී Ok button එක click   කරන්න.

ඔයාල Startup එක Automatically කලවිට මේ වගේ window එකක් එන්නේ නෑ කෙලින්ම ඔයාලගේ Desktop එකට තමයි එන්නේ. කිසිම දේකට බය වෙන්න එපා. 

පියවරෙන් පියවර දාන්නම් නොදන්න අයට තේරුම් ගන්න පහසු වීම සදහා.  

1. start menu එක open කරන්න 

2. search Bar එකේ netplwiz කියල Type කරල Enter Button එක Press කරන්න. 

3. Turn On කිරීම Automatic Log On User Account සදහා.

(A) ඔයාලට Automatically Log වීමට අවශ්‍ය user name එක click කරන්න.

(B)  මම ලකුණු කර තිබෙන තැන හරිය ඉවත් කරන්න Users must enter a user name and password to use this computer කියන තැන තියෙන. 

(C)  Ok Button එක click කරන්න 

  

4. Automatic Log On ඉවත් කිරීම සදහා.

පියවර 3 B කොටසේ රූපයේ පෙනෙන ස්ථානයට හරිය දමා ok කරන්න.

5. Automatically Log On වෙන  User Account වෙනස් කිරීම 

(A) පියවර 3 B කොටසේ රූපයේ පෙනෙන ස්ථානයට හරිය දමා Apply button එක click කරන්න.

(B) automatically log on වීමට අවශ්‍ය Account එක click කරන්න 

(C) පියවර 3 B කොටසේ රූපයේ පෙනෙන ස්ථානයට හරිය දමන්න. 

(D) OK button එක click කරන්න.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

910.ඔබේ පරිගණකයට පහසුවෙන් Drivers හොයාගන්න

ඔබේ පරිගණකයට පහසුවෙන් Drivers හොයාගන්න 

අද  කියලා දෙන්න යන්නේ ඔයාලගේ පරිගණකයට Drivers හොයාගන්නේ කොහොමද කියලා. ගොඩක් දෙනෙක්ට තියෙන ගැටලුව තමා තමන්ගේ පරිගණකය Format කර ගැනීමෙන් පසු Drivers සොයා ගැනීමට අපහසු වීම. එයට හොදම විසදුම තමා මෙම 3DP Chip යන මෘදුකාංගය.. මෙමගින් ඕනෑම පරිගණකයකට Drivers හොයා ගැනීමට හැක.

එහෙනම්  Download කරගෙන බලන්නකෝ... මේක 3,10MB පමණයි. 

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

891.power supply එක වැඩද කියලා බලන්න විදියක්.

power supply එක වැඩද කියලා බලන්න විදියක්.

අද  කියලා දෙන්න යන්නේ ටිකක් වෙනස් විදියක වැඩක්. මේක පරිඝණක දෘඩාංග වැඩක්. ගොඩක් අය පරිඝනක පාවිච්චි කලාට මොනවා හරි උනොත් කරන්නෙ ගත්තු තැනට ගිහින් දීලා හදා ගන්න එකනේ.  අද කියලා දෙන්න යන්නේ cpu එකට විදුලිය බෙදා හරින power supply එක වැඩද නැද්ද කියලා බලන විදියක් ගැන. මේ ක්‍රමය මගින් ප්‍රධාන මවුපුවරුවද නැතහොත් වෙනයම් කිසි හේතුවක් නිසා තමාගේ පරිඝණකය ක්‍රියා විරහිත වී ඇත්නම් එහ දෝශය හරියාකාරව බලාගන්න පුලුවන්. උදාහරනයක් ලෙස තමන්ගේ‍ පරිඝණකය ක්‍රියාත්මක වෙවී තිබී හදිස්සියේම එය ක්‍රියා විරහිත වුවහොත් තමන්ට නිගමන කිහිපයකට එලබිය හැකි වනු ඇත. එනම් මවු පුවරුවේ හෝ වෙනත් කොටසක දෝෂයක් ලෙස නැතිනම්, මේකෙ කාලය හරි තමා කියලා. නමුත් මෙම දෝෂය හරියාකාරව නිරාකරනය කර ගැනීම සදහා කිසියම් ක්‍රම කිහිපයක් මගින් අක්‍රීය වූ කොටස හදුනා ගත යුතු වේ. මෙසේ හදුනා ගැනීම සදහා  මේ කියන්නට යන්නා වූ කාරනාව වැදගත් වේ 

ප්‍රතමයෙන් ඔබේ පරිඝණකය ලබා ගත් ස්ථානය මගින් ලබා දී ඇති වගකීම පිලිබදව සැලකිලිමත් වන්න. ඇතැම් අවස්ථා වලදී පරිඝණකයේ මෙසේ වෙනස් කම් සිදුකිරීමට යාම නිසා ඔබගේ වගකීම අහෝසි වීමට ඉඩ කඩ තිබේ. ඔබේ පරිඝණකයේ වගකීම කල්ඉකුත් වී ඇත්නම් මෙම ක්‍රමය ගැටලුවක් නැත. නමුත් පරිඝණක දෘඩාංග පිලිබදව මූලික දැනුම නැතිව මෙම දේවල් අත්හදා බැලීමට යාම ඔබටත් පරිඝණකයටත් අනුතුරුදායක විය හැක.

මුලින්ම ඔබේ පරිඝණකයේ power supply එක මවු පුවරුවට හා අනෙකුත් දේවල් වලට සම්බන්ධ වී ඇති සියලු වයර් ගලවන්න. ඉන් පසුව එහි ඇති විශාලම වයර් ගොනුව සොයා ගන්න. එය එක එල්ලේම මවුපුවරුවට සම්බන්ද වන වයර් 19 කින් ඇති සොකට්ටුවකි(මෙම අගය වෙනස් වීමට ඉඩ ඇත). එහි ඇති වර්න නිරීක්ශනය කල විට ඔබට කළු පාට වයර කිහියයක් හා එක් කොල පාට වයර් එකක් දැක ගැනීමට හැකිවනු ඇත. මෙහි කළු පාට වයර( -අගය) සහිත වේ. නමුත් මෙහි ඇති කොළ පාට වයරය power supply එකක්‍රියාත්මක වීමට අදාල වයරය යි. අප විසින් තනිවම මෙම power supply එක ක්‍රියාත්මක කිරීමට නම් මෙම කොළ වයරය හා එක් කළු වයරයක් එකට සම්බන්ද කල යුතු වේ. මේ සදහා කුඩා කම්බි හෝ වයර් කැබැල්ලක් යොදා ගැනීමට පුලුවනිය. මෙසේ සම්බන්ද කර විදුලිය ලබා දුන් පසු power supply එක මවු පුවරුව නැතිව ක්‍රියාත්මක වේ. එසේ ක්‍රියාත්මක නොවේනම්  නියත වශයෙන්ම එය අක්‍රිය වී ඇත. .

මෙම වයර නිවරැදිව සම්බන්ධ කරන ආකාරය  පහත රූපයේ දක්වා තිබේ.

සම්බන්ද කරන අයුරු

මෙම ක්‍රමය අත්හදා බැලීම මගින් දෝෂය ඇත්තේ මවු පුවරුවේද නැතිනම් power supply එකේද කියා සොයාගත හැක. නමුත් මවුපුවරුවේ දෝෂයක් යයි හරියට කිව නොහැක. power supply එක ක්‍රියාත්මක වන්නේ නැතිනම් නියත වශයෙන්ම එය අක්‍රිය වී ඇත.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

886.keyboard එකෙන් දාන windows 7 වැඩ කිඩ

keyboard එකෙන් දාන windows 7 වැඩ කිඩ 

අද  කියන්න​ යන්නේ windows 7 වලට අදාල keyboard එකේ shortcuts සහ tricks ගැන.ගොඩක් අය මේ ගැන දන්නෙ නෑ.එහෙනම් අපි වැඩේ පටන් ගමු. 

[Windows] + [Spacebar]
දැනට open වී ඇති සියලු window නැතිවී desktop තිරය වෙත පිවිසේ.

 [Windows] + [D] desktop 
තිරය පෙන්වීම සහ සැඟවීම 

[Windows] + [Home] 
select කරන ලද windows minimized කර දැක්වීම.



[Windows] + left arrow OR [Windows] + right arrow 
කවුළු half size එකට පත්වී තිරයේ වමට හා දකුණට වීම 

[Windows] + up arrow OR [Windows] + down arrow 
windows උපරිම විශාලත්වයට පත්වීම සහ නැවත යථා තත්වයට පත්වීම 

[Windows] + [SHIFT] + up arrow OR [Windows] + [SHIFT] + down arrow
 සිරස් අයුරින් කවුළු උපරිම විශාලත්වයට පත්වීම සහ නැවත යථා පරිදි සකස් වීම

 [Windows] + [Tab] 
තිරය මත විවෘත කර ඇති කවුළු ත්‍රිමාණ ආකාරයට පෙන්වීම

 [Alt] + [Ctrl] + [Tag] + left/right/up/down arrow 
විවෘත කර අැති කවුළු තිරය මත shortcut ඒකක් ආකාරයට දැක්වීම


 [Alt] + [Tab] 
ඉහත ආකාරයටම shortcut එකක් තිරය මත පෙන්වීම 

[Windows] + [1] THROUGH [Windows] + [9] 
task bar හි ඇති icon 1 සිට 9 දක්වා විවෘත කරවීම 
[Windows] + [Ctrl] + [1] THROUGH [Windows] + [Ctrl] + [9] [Windows] + [SHIFT] + [1] THROUGH [Windows] + [SHIFT] [9] ඉහත පරිදිම ඇති icon ඉතා ඉක්මනින් විවෘත කරවීම

 [Windows] + [Alt] + [1] THROUGH [Windows] + [Alt] + [9] අදාල icon වල jump list විවෘත කරවීම 

[Windows] + [P] 
දැනට ක්‍රියාත්මක වන තිරය අදාල පරිදි තේරීමේ මෙනුව 



[Windows] + [+] OR [Windows] + [-] 
තිරය මත විශාලකය ක්‍රියාත්මක වීම.මෙමඟින් තිරය මත අදාළ ස්ථාන ළං කර බැලිය හැකි වේ





[Ctrl] + [Alt] + [D]
 තිරය මත docked mode ක්‍රියාත්මක වීම.mouse cursor ක්‍රියාත්මක වබ ප්‍රෙද්ශය වෙනම ඉහලින් දක්වයි

 [Ctrl] + [Alt] + [L] 
තිරය මත lens mode ක්‍රියාත්මක වේ 

[Ctrl] + [Alt] + [F] 
lens mode හා docked mode වලින් ඉවත් වීම

 [Ctrl] + [Alt] + [I] 
invert colors ඇති කිරීම 

[Windows] + [Esc]
 විශාලක අවස්ථාවෙන් ඉවත් වීම 

[Windows] + [G] 
desktop gadgets මතු කර පෙන්වීම

 [Windows] + [X] 
Windows Mobility Center දියත් කිරීම.




මෙය ලැප්ටොප් භාවිතා කරන්නන්ට වැදගත් වන මෙනුවකි. ඉහත tricks සහ shortcuts ඔබත් අත්හදා බලන්න.පරිඝණකය නිතර භාවිතා කරන ඔබට මෙම tricks වැදගත් වේවි.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

880.පරිගණකයේ ආයු කාලය වැඩිකර ගනිමු

පරිගණකයේ ආයු කාලය වැඩිකර ගනිමු

අපි කවුරුත් කැමතියි අපේ කොම් එක අවුලක් නැතුව ගොඩක් කල් පාවිච්චි කරන්න. ඒත් අපේ නොදන්නාකම නිසා අපේ කොම් එකේ ආයු කාලය සෑහෙන්න අඩු වෙනවා. ඉතින් මම කල්පනා කළා සොෆ්ට්වෙයාලන්තේ අපේ යාලුවන්ට කොම් එක වැඩි කාලයක් අප්සෙට් එකක් නැතිව පාවච්චි කරන්න පුංචි උපදෙස් ටිකක් දෙන්න.

අපේ කොම් එකේ Speed අඩු උණාම, නැත්නං නිතර නිතර Stuck වෙන්න පටන් ගත්තම කෝකටත් තෛලේ වගේ අපේ කට්ටිය කරන්නේ කොම් එක Format කරන එක. කොම් එක Slow වෙලා තියෙන්නේ Software Problem එකක් නිසා නම් එකෙන් බොහෝවිට අවුල නිරවුල් වෙනවා, ඒත් Hardware Problem එකක් නිසා අවුල් වුන කොම් එකක් ඒ ක්‍රමේට හදා ගන්න බැහැ.

Hardware Problem එකක් ආවම ඒකට විසඳුම් හොයන්න යනවට වඩා, Problem එකක් එන්නේ නැති වෙන විදියට වැඩ කරන එක කෝකටත් හොඳයි. මෙන්න එහෙනං උපදෙස්.

1. පරිගණකය එක කොච්චර Sure උනත්, අත්‍යාවශ්‍ය Files Backup කරලා තියාගන්න. ඔක්කොම නෙවෙයි, අත්‍යාවශ්‍ය Files ටික විතරක්. මෙන්න මේ Online Backup Services ඒකට හොඳයි.

http://www.google.com/drive
https://skydrive.live.com/


2. “කෝ බලන්න AC රූම් එකක කොම් එක තියාගෙන ඉන්න අය?”

AC රූම් එකක කොම් එක තියා ගන්නේ කොහොමද AC රූම් එකක් නැතුව? ඔව්. අපෙන් බහුතරයක් දෙනා කොම් එක තියාගෙන ඉන්නේ AC රූම් එකක නෙවෙයි. එහෙම අය හැමෝම මාස 2-3 කට වතාවක් වත් කොම් එක (Casing) ගලවලා ඇතුල සුද්ද කරන්න ඕනෑ. රෙදි කෑල්ලකින් ගහල දූවිලි අයින් කරන්න එහෙම හදන්න එපා. පොඩි, කෙඳි ගැලවෙන්නේ නැති Brush එකක් පාවිච්චි කරන්න. නැත්නම් Blower කෑන් එකක් පාවිච්චි කරන්න පුළුවන් නම් ගොඩක් හොඳයි. දූවිලි තියෙන එකේ භයානකකම තමයි කොම් එක රත්වෙන එක. කොම් එක රත්වෙනවා කියන්නේ ඇතුලේ තියෙන sensitive circuits damage වෙනවා කියන එක.

3. කොහොමද දැන ගන්නේ කොම් එක Overheat වෙනවා කියලා?

අත තියල බලලනම් ඒක හොයනවා බොරු. කොම් එක overheat වෙන එකෙන් දරන්න බැරි පාඩු වෙන්න පුළුවන්. ගොඩක් වෙලාවට Overheat වෙන එකෙන් damage වෙන්නේ AMD ( Advanced Micro Devices) වර්ගයේ ප්‍රොසෙසර් වලට. Intel වර්ගයේ ප්‍රොසෙසර් වලට එහෙම වෙනවා අඩුයි. (එහෙම නොවෙනවා නෙවෙයි) කොම් එකේ උෂ්ණත්වය මනින්න පුළුවන් නියම Software එකක් තමයි SpeedFan කියන්නේ.

මේ සොෆ්ට්වෙයා එකෙන් machine එකේ හැම වැදගත් කොටසකම උෂ්ණත්වය Monitor කරනවා. උෂ්ණත්වය සීමාවට එහා ගියොත් Warning එකක් දෙනව. ඒක නිසා අපිට අපේ පරිගණකයේ එකේ උෂ්ණත්වය ගැන බය වෙන්න දෙයක් නෑ. ( ඇයි, machine එකේ Fan හිටි හැටියේ වැඩ කළේ නැත්නම්, කොම් එකේ උෂ්ණත්වය වේගයෙන් වැඩි වෙනවනේ.) මේ සොෆ්ට්වෙයාර් එක ඒ ගැන බලාගනී. ඔයාල චුට්ටක් වත් බය වෙන්න ඕන නැහැ.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

879.වින්ඩෝස් 7 ස්ථාපනය වේගය වැඩිකර ගනිමු

වින්ඩෝස් 7 ස්ථාපනය වේගය වැඩිකර ගනිමු

                                     ඕනෑම මෙහෙයුම් පද්ධතියක් Install කරනවිටදී එය Install වීමට පරිගණකයෙ හැකියාව මත ගතවන වෙලාව වෙනස් වේ. නමුත් මෙම කුමන ආකාරයෙ පරිගණකයක උවද Windows 8 Install වීමට ගතවන කාලය Windows XP හා Windows 7 වලට සාපේක්ෂව අඩුය. මෙසේ Windows 8 Install වීමෙ වේගය වැඩි කර අත්තේ Install වීමේදි සෙටප් ෆයිල් එකෙහි ප්‍රොසෙසිං ක්‍රියාවට මුල්තැන දීමෙනි. එම ක්‍රමය අනුගමනය කරමින් Windows 7,Windows XP හෝ වෙනත් Windows මෙහෙයුම් පද්ධතියක උවත් Install වීමේ වේගය වැඩි කරගැනීමට පුලවන්.

 අද කියලා දෙන්නේ Windows 7 වල Install වීමේ වේගය වැඩි කරගන්න හැට්. මුලින්ම සාමාන්‍ය විදිහට Windows Install කරන්න පටන් අරන් Installing Windows ආරම්භවූ පසු පහල Animation එකේ විදිහට කරන්න.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

875.ඔබ නොදැනුවත්ව RAM එකේ තැම්පත් වී ඇති කරදරකාරී FILE ඉවත් කරගන්න

       ඔබ නොදැනුවත්ව RAM එකේ තැම්පත් වී ඇති කරදරකාරී FILE ඉවත් කරගන්න    

  අප පරිගණකය වෙතට තැම්පත් කරන දත්ත වලින් අප නොදැනුවත්වම විවිධ වූ කරද කාරී files ද තැම්පත් වනු ඇත.  සමහර files තාවකාලික මතකය වන ram එකටද ගබඩා වන අවස්ථා ද ඇත. එසේ ගබඩා වීම හේතුවෙන් පරිගණකයේ වේගය මන්ද ගමි ස්වරුපයක් ගනී. එසේ  ram එක මතට  තැම්පත් වන කරදර කාරී files ඉවත් කිරීම සදහා හා සහ ram එකෙහි කාර්යක්ෂමතාවය වැඩි කරගැනීම සදහා ක්‍රම වේදයක් අද වන විට දක්නට ලැබේ. අපි අද බලමු මොනවද ඒ ක්‍රමවේදයක් හා මෘදුකාංග කියා. . හරි අපි බලමු කොහොමද මෙය කරන්නේ කියා...

මුලින්ම notepad එක open කරගන්න.

ඉන් පසුව පහල තිබෙන code එක copy කරගෙනට notepad එකට paste කරන්න.

mystring=(800000)

කරලා save කරන්න. save කර යුත්තේ ram.vbe යනුවෙනි. එය මතක ඇති තැනක save කරන්න desktop එකේවුනත් කමක් නැ..දැන් එය ඩබ්ල් ක්ලික්කර වෙනස බලන්න​.

දැන් තව විදි තිබෙනවා ඒ මෘදුකාංග මගින්. පහල තිබෙන්නේ ram එකේ තැම්පත් වී තිබෙන කරදර කෑලි files ඒවත් කර හැකි මෘදුකාංග වේ. එවා  භාවිතා කර ඔබගේ ram එක සුද්ද කරගන්න. නැත්නම් පරිගණක ක්‍රියාකාරිතව මන්දගානි ස්වරුපයක් ගනී.

1. Memory Cleaner

පහලින් ගන්න,

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

874.ඔබගේ පරිගනකය DualCoreද? Core2Duoද?

ඔබගේ පරිගනකය DualCoreද? Core2Duoද?

බොහෝ පුද්ගලයන්ට පරිගණකයක් මිලදී ගැනීමේදී හෝ  upgrade කිරීමේදි DualCore ප්‍රොසෙසරයක් සහිත පරිගණකයක් හා Core2Duo ප්‍රොසෙසරයක් සහිත පරිගණකයක් අතර වෙනස අපැහැදිලිව අපහසුතාවයට පත්වේ. ඒ අපහසුතාවයෙන් බේරෙන්න  විදිහ අපි  බලමු.

පරිගණක අලෙවි නියෝජිතයන් Dual Core පරිගණකයක් ගැන කීවද ඇත්තටම Dual Core නමින් හඳුන්වන ප්‍රොසෙසරයක් හො පරිගණකයක් Intel සමාගම හඳුන්වා දීල නෑ. Dual Core කියන්නේ Intel සමාගම ‍එකම ප්‍රොසෙසරයක (Processor) මධ්‍යද සැකසුම් ඒකක දෙකක් (2 CPU-Central Processor Unit) භාවිතා කරන තාක්ෂණය සඳහා භාවිතා කරන තාක්ෂණික නාමයක්. ඒකියන්නේ ‍එකම පරිගණකයක Processor දෙකක හැකියාව යොදා ගැනීමයි. මේ අනුව Core2Duo ද අයත් වෙන්නෙත් Dual Core තාක්ෂණයටයි. තවත් මෙම තාක්ෂණය යොදා ගන්න Processor සඳහා උදාහරන ලෙස Core-Duo, Pentium Dual-Core , Celeron Dual-Core , Pentium-D and Athlon X2 ගන්න පුලුවන්.

ඒ හින්දා ඔය පරිගණකයක් මිලදී ගන්නා විට හෝ upgrade කිරීමට ‍ප්‍රොසේසරයක් තෝරා ගැනීමේදී Core2Duo ප්‍රොසෙසරය Core-Duo , Pentium Dual-Core , Celeron Dual-Core , Pentium D හෝ Athlon X2 ප්‍රොසෙසර් සමග සංසන්දනය කර බලන්න. එම සෑම ප්‍රොසෙසරයකම කෙටි විස්තරයක් පහත දී ඇත. සෑම විටම ඔබ මිලදී ගන්නා පරිගණකයේ අඩංගු ප්‍රොසෙසරයේ වේගය (GHz) වලින් දී ඇත , L2 Cache ධාරිතාව , Front Side Bus හා මිල සංසන්දනය කරන්න. මේවා සලකා බැලීමෙන් ඔබට වඩා හොඳ Core2Duo ප්‍රොසෙසරය බවත් Pentium Dual-Core වඩා Celeron Dual-Core පහතින් ඇති බවත් වටහා ගත හැක.

  Core-Duo

 CoreDuo ප්‍රොසෙසරය Intel සමාගම‍ ලැප්ටොප් වැනි මොබයිල් පරිගණක සඳහා dual-core තාක්ෂණය සහිතව සකස් කළ පළමු ප්‍රොසෙසරය වේ. විදුලි බලශක්ති භාවිතය අවම කළ dual-core තාක්ෂණය උපරිම ලෙස යොදා ගන්නා අයුරින් නිර්මාණය කර ඇත. L2 cache-2MBළ Front Side Bus-667MHz

  Pentium Dual-Core

එකම සංඛ්‍යාතයක ක්‍රියාකරන හර (core) ප්‍රොසෙසර් දෙකක කාර්යක්ෂමතාව එක් භෞතික ප්‍රොසෙසරයක අඩංගු කර ඇත. එනම් Dual-Core තාක්ෂණය භාවිතා වේ. L2 cache-1MB, Front Side Bus-800MHz

  Celeron Dual-Core

 එකම සංඛ්‍යාතයක ක්‍රියාකරන හර (core) ප්‍රොසෙසර් දෙකක කාර්යක්ෂමතාව එක් භෞතික ප්‍රොසෙසරයක අඩංගු කර ඇත. එනම් Dual-Core තාක්ෂණය භාවිතා වේ.අවම බලශක්තියක් භාවිතයෙන් ක්‍රියාත්මක වන අතර සාපේක්ෂව අනෙක් Dual-Core ප්‍රොසෙසර් වලට වඩා හැකියාව හා මිල අඩුය. L2 cache-512MB, Front Side Bus-800MHz

  Pentium D

 එකම සංඛ්‍යාතයක ක්‍රියාකරන හර (core) ප්‍රොසෙසර් දෙකක කාර්යක්ෂමතාව එක් භෞතික ප්‍රොසෙසරයක අඩංගු කර ඇත. එනම් Dual-Core තාක්ෂණය භාවිතා වේ. L2 cache-1MB,Front Side Bus-800MHz

  Core2Duo

  එකම සංඛ්‍යාතයක ක්‍රියාකරන හර (core) ප්‍රොසෙසර් දෙකක කාර්යක්ෂමතාව එක් භෞතික ප්‍රොසෙසරයක අඩංගු කර ඇත. එනම් Dual-Core තාක්ෂණය භාවිතා වේ. Dual-Core තාක්ෂණය භාවිතාකරන හොඳම ප්‍රොසෙසරය වේ. අනෙකුත් Dual-Core ප්‍රොසෙසර් වලට වඩා හැකියාව ඉහල අතර සාපේක්ෂව මිල අධික වේ. L2 cache-4MB,Front Side Bus-1333MHz

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​