1083.පිට රටකට යන්න කලින් එහේ වියදම දැනගන්න ක්‍රමයක්

පිට රටකට යන්න කලින් එහේ වියදම දැනගන්න ක්‍රමයක් 

යාලුවෙනේ වෙන රටකට job එකක් කරන්න හරි study කරන්න යන අපේ යාලුවන්ට වැදගත් පෝස්ට් එකක් තමයි මේක​ .

මේකට තියෙනවා හැමදාම වගේ update වන නියම website එකක්.. 

මේ site එකෙන් ඔයාට පුලුවන් එහෙදි ජීවත් වෙන්න යන මුදල් වගේම එහේ දැනට පවතින දේශපාලනික වතාවරනය සහ එහෙ පවතින සමාජ වාතාවරනය ගැන දැනුවත් වෙන්න..  ඔය හොයන රටේ health service එක වගේම පරිසරය දුශිතද නැතිද යන්න වගත් ඔයාට පුලුවන් දැන ගන්න.....

උදාහරණයක් ලෙස කිව්වොත්....

01. වායූ දූශන ප්‍රතිශතය.

02.පානීය ජලයේ ගුනාත්මක භාවය

 වගේ දේවලුත් ඔයාට පුලුවන් බලා ගන්න...

දැන් ඉතින් කාගෙන්වත් අහා අහ ඉන්නෙ මොකටද රටකට යන්න.. ඔයාම බලලා හොදද නැත්ද කියලා ඔයාටම තීරනය කරන්න පුලුවන්නේ......

මේකේ මුලින්ම අපිට අවශ්‍ය Town ඒකෙ නම search කරන්න ඕනේ.

ඊට පස්සේ අපිට අවශ්‍ය එක එක categories අනුව අපිට වෙන වෙනම මේ දේවල් හොයන්න පුළුවන්.

මේ විස්තර වලින් අපිට ඒ ඒ රටවලදී කොච්චර වියදමක් යනවද කියලා දළ වශයෙන් කියන්න පුළුවන් වෙනවා. 

ඔයාට මේක ගැන sure එකක් නැත්නම් colombo කියලා search කරලා බලන්නකෝ...

______________

මෙතනින් යන්න​

989.ගේමක් නැතිව පරිගණකයේ Drivers Update කරමු.

ගේමක් නැතිව පරිගණකයේ Drivers Update කරමු.

පරිගණකය හා ඊට සම්බන්ද උපාන්ග වලට අත්‍යවශ්‍යම දෙයක්නේ Drivers කියන්නේ. සමහර අයට තියන ලොකු ප්‍රශ්ණයක් තමයි තමන්ගේ පරිගණකයට හා ඊට උපාන්ග වල Drivers හොයා ගන්න එක. ඉතින් අද දාන ලිපියෙන් කියන්නේ  අපේ පරිගණකයේ ඊට සම්බන්ද උපාන්ග වල Drivers ලේසියෙන්ම Update කරගන්න පුලුවන් විදිහක් ගැනයි. මේක පොඩි සොෆ්ට්වෙයා එකක් . මේකෙන් Motherboard drivers , Sound card drivers , Video card drivers , Webcam drivers ,  Wireless drivers , USB drivers , Windows XP / Vista drivers ඇතුලු තවත් බොහෝ Drivers ප්‍රමානයක් මේ මගින් ලේයෙන්ම Update කරගන්න පුලුවන්. මේ  මෘදුකාංගයේ නම Driver Robot. එහෙනම් අරගෙනම බලන්න.

Driver Robot මෘදුකාංගය මෙතනින් බාගන්න.

Support කරන Drivers වර්ග.

•    Sound card drivers
•     Printer drivers
•     Video card drivers
•     Motherboard drivers
•     Webcam drivers
•     Wireless drivers
•     Bluetooth drivers
•     FireWire drivers
•     Ethernet drivers
•     Windows XP drivers
•     Windows Vista drivers
•     USB drivers
•     Chipset drivers
•     AC97 drivers
•     DVD drivers
•     Router drivers

හරි මෙහෙමයි Driver Robot මෘදුකාංගයෙන් වැඩ කරගන්නේ.

Driver Robot මෘදුකාංගය බාගෙන සාමාන්‍ය විදිහට Install කරලා Open කරගෙන " Start Scan " ක්ලික් කරලා ඔයාගේ පරිගණකයේ තියන Drivers ටික Scan කරගන්න.

මුල් වතාවෙදි මේක කරනකොට Serial Key එකක් ඉල්ලයි. එතකොට දීලා තියන Key එක දෙන්න..

ඊට පස්සෙ ඉතින් ඔයාලට Update කරගන්න ඕණ Drivers එක Select කරලා " Get Driver " ක්ලික් කරලා Drivers ටික Update කරගන්න.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

972.මෙම​ Flash drive එකතැනක අලවා දත්ත හුවමාරු කළ හැකි සියුම් උපාංගයකි

මෙම​ Flash  drive එකතැනක අලවා දත්ත හුවමාරු කළ හැකි සියුම් උපාංගයකි

පරිගණක උපාංග අතර තොරතුරු හුවමාරු කර ගනු පිණීස flash  drive යොදා ගන්නා විට මතු වෙන අපහසුතා කිපයක්ම තිබේ. Flash  drive එක නියමිත slot එකට සම්බන්ද කළ යුතු විම, එය භෞතික වශයෙන් තරමක් ලොකු උපාංගයක් වීම (data stick වලට සාපේක්ෂව‍) හා දැනට සොයාගෙන ඇති badUSB නමැති දෝෂය යනාදීයයි. මේ අපහසුතා මග හරවගෙන පරිගණක අතර දත්ත හුවමාරු කළ හැකි නව උපාංගයක් ඉන්දියාවේ Aditi Singh සමග Parag Anand යන දෙදෙනා නිපදවා තිබේ. එය ඩේටාස්ටිකීස් (dataSTICKIES)ලෙස හැදින්වෙයි. 

dataSTICKIES හරියට විවිධ සටහන් ලියා මතක් වෙන්නට පෙනෙන තැනක අලවා තබන කඩදාසි තීරු (sticky notes) මෙන් සැහැල්ලු ඒවාය. එහෙත් ඒ හැම තිරුවක්ම ඉලෙක්ට්‍රෝනික් උපාංගයකි. එය තනා තිබෙන්නේ අවාරණ (protective layer) දෙකකට මැදි කළ ග්රැෆින් තට්ටුවක් (graphene layer) යොදා ගෙනය. 

ග්රැෆින් යනු වානේ මෙන් සිය ගුණයක් ශක්තිමත් පරමාණුවක මට්‌ටම දක්වා තුනී කළ හැකි, කෘතිම රසායන ද්‍රව්‍යයකි. සියුම් ග්රුෆින් තට්ටුවක දත්ත විශාල ප්‍රමාණයක් රදවා තබන්නට පුළුවන. මෙම ඩේටාස්කිට්ස්  පටියක කෙළවර සන්නායක තට්ටුව (conductive layer) තිබේ.

මෙම තීරුවක 32GB දක්වා තොරතුරු රැදවිය හැක. තොරතුරු රැදවූ මෙවැනි තීරුවක් එහි ඇති මැලියම් මගින් යම් තැනක  ඇලවූ විට, flash drive එකක් usb port එකට සම්බන්ධ කළ විටදී මෙන් දත්ත හුවමාරු  කළ හැක. ඒ අතරම මෙවැනි dataSTICKIES කිහිපයක් එකිනෙකට ඇලවීම මගින් එහි ධාරිතාවයද වැඩි කර ගත හැකිය.

මෙම dataSTICKIES එකකින් දත්ත හුවමාරු කළ හැකි විශේෂ ස්තරයක්ද (ODTS – Optical data tansfer surface) තනා තිබේ. එය පාරදෘශ්‍යය. ස්ටිකරයක් මෙන් පරිගණක මොනිටරයේ, මොනිටරය වටා ඇති පෙදෙසේ, smartphoneයේ යනාදී ඕනෑ තැනක එය අලවා විදුලි සම්බන්ධය ලබා දිය හැක. දැන් මේ ODTS එක මත අලවන data stick එකෙහි ඇති දත්ත පරිගණකය හෝ වෙනත් දත්ත භාවිතා කෙරෙන උපකරණයක් වෙත ලබා ගන්නට පුළුවනි.

තුනී ප්ලාස්ටික් තීරුවක් සේ පෙනෙන data sticky, විවිධ පැහැයෙන් නිමැවීය හැක. එසේ ම එහි මතුපිට ඕනෑ දෙයක් ලියා තබන්නට පුළුවන. එනිසා ප්‍රමුඛතාව අනුව note තබාන්නක් මෙන් sticky note වල ඇති තොරතුරු හදුනාගන්නට නම් දිය හැක. එසේම මෙම note ගණනාවක් අට්ටියක් සේ ලග තබා ගන්නට පුළුවනි. හරියට flash drive 100ක් 200ක් ලග තබා ගත්විට මෙන් ඉන් ප්‍රයෝජන ගන්නට පුළුවන. මෙම data stickies තාක්ෂණය සම්පුර්ණයෙන්ම අත්හදා බලා හමාරය. එහි ප්‍රයෝගික දෝෂ නැත. වානිජ වශයෙන් නිෂ්පාදනය කරන විට flash drive වලට වඩා ඉතා අඩු මිලට ලබාදිය හැක.

මේගැන තවදුරටත් දැනගන්න මෙතනින් ගිහින් බලන්න​

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

877.වයි-ෆයි තාක්ෂණයේ වගතුග

වයි-ෆයි තාක්ෂණයේ වගතුග

රැහැන් රහිත ක්‍රමයට  වේගවත් අන්තර්ජාල සම්බන්ධතාවයක් ලබා දෙන්නට අද තිබෙන හොදම තාක්ෂණය වයි-ෆයි ය. වයි-ෆයි තාක්ෂණය කෙතරම් ප්‍රයෝජනවත්ව යොදා ගත හැකිද කිවහොත් දියුණු රටවල් දැනට ගම් නගර වලට වයි-ෆයි තාක්ෂණයෙන් නොමිලේ ඉන්ටර්ට් ලබා දෙයි.

ඇමරිකාවේ ෆිලඩෙල්ෆියා, පෙන්සිල්වේනියා, ෆ්ලෝරිඩා,ටෙක්සාස්, නිව් යොක් යන ප්‍රදේශවල මෙවැනි වයි-ෆයි ජාල (Municipal Wi-Fi Network) පිහිටුවා තිබේ. ඉන් ෆ්ලොරිඩාවේ සෙන්ට් ක්ලවුඩ්හි මහජනයාට වයි-ෆයි ඉන්ටර්නෙට් ලැබෙන්නේ සම්පූර්ණයෙන්ම නොමිලේය

වයි-ෆයි තාක්ෂණයෙන් රැහැන් රහිත ඉන්ටර්නෙට් සම්බන්ධය ලබා ගන්නන් විඩියෝ ක්‍රීඩා කරන්නන් වැනි බොහෝ දෙනා මේ ගැන කුතුහලයෙන් සිටින්නේ ඒ නිසාය. වයි-ෆයි (Wi-Fi) යනු (Wireless Fidelity) යන සම්පූර්ණ නම කෙටිකර සකසාගත් කෙටි යෙදුමකි. මේ යෙදුමෙන් හදුන්වන්නෙ රැහැන් රහිත ජාලයක් (Wireless Network) හරහා තොරතුරු පතුරුවා හැරීමේ (විකාෂණය කිරීමේ) ප්‍රමිතියයි.

රැහැන් රහිත ජාල හරහා තොරතුරු හුවමාරු වන්නේ සෙලියුලර් 

දුරකතන, රූපවාහිනී, රේඩියෝ යන්ත්‍ර වැනි උපකරණවල යොදාගන්නාක් මෙන් රේඩියෝ තරංගවලිනි. මෙසේ රේඩියෝ තරංග සම්ප්‍රේශණය සදහා තිබිය යුතු මූලික ඕනෑකම් වන්නේ වයර්ලස් රවුටරයකි. මෙම රවුටරයේ තිබෙන ඇන්ටනා මගින් පරිගණක දත්ත රේඩියෝ තරංග බවට හරවනු ලබයි මේ සදහා පරිගණකයේ තිබිය යුතු අවශ්‍යතාවය වන්නේ වයි-ෆයි ඇඩැප්ටරයකි. මෙය යූඑස්බී ඇඩැප්ටරයක් නැතිනම් පීසි කාඩ් එකකි.

USB Wi-Fi ඇඩැප්ටරයක්

මේ අවශ්‍යතාවයන් සම්පූර්ණ කළ පරිගණකයක් වයි-ෆයි ජාලයක් හරහා ඉන්ටර්නෙට් සමග සම්බන්ධවීමේදී මූලික වශයෙන් සිදුවන ක්‍රියාවලි දෙකකි. පරිගණකයේ ඇති වයර්ලස් ඇඩැප්ටරය මගින් දත්ත රේඩියෝ තරංග බවට හරවා ඇන්ටනාව මගින් ඒවා සම්ප්‍රේශණය කරයි. රැහැන් රහිත රවුටරය එම දත්ත ලබාගෙන ඒවා පරිගණක දත්ත බවට ආපසු හරවයි. ඉන්පසු ඒවා සාමාන්‍ය රැහැන් ඔස්සේ අන්තර්ජාලයට සම්බන්ධකෙරේ.

මෙසේ ඉන්ටර්නෙට් සමග රැහැන්වලින් සම්බන්ධ වූ රවුටරයක තිබෙන කාමරයක් තුල පිහිටුවන්නට පුළුවන. එලිමහනක පිහිටුවන්නටත් පුළුවන්, කොහොම නමුත් මේ රවුටරයෙන් තරංග සම්ප්‍රේශණය කරන හා ලබා ගන්නා බල ප්‍රදේශයක් තිබේ. මේ බල ප්‍රදේශයේ ඇති වයි-ෆයි සම්බන්ධතාවය ලබාගත හැකි තැන් හොස්ට්පොට්ස් (hotspots) නම් වේ. ඒ කියන්නේ ඇඩැප්පරය සහිත ලැප්ටොප් එකක් රැගෙන යන්නෙකු වයර්ලස් ඉන්ටර්නෙට් සම්බන්ධය ලබා ගන්නට නම් මෙවැනි වයි-ෆයි හොස්ට්පොට් එකට අතුලු විය යුතුය.

වයි-ෆයි හොට්ස්පොට් එකක් සිසාරා විසිරී පැතිරී තිබෙන රේඩියෝ තරංග ජංගම දුරකථන,වෝකිටෝකි, රූපවාහිනි යන්ත්‍ර යනාදිය හුවමාරු කරන රේඩියෝ තරංග වුවත් මේවායේ සංඛ්‍යාතය ඒ හැමටම වඩා ඉහලය. ඒ නිසා මේවාට වැඩි තොරතුරු ප්‍රමාණයක් හුවමාරු කරගන්නට පුළුවන.

වයි-ෆයි ජාලයකදී දත්ත හුවමාරු කරන්නේ ලෝක මට්මෙන් තාක්ෂනික ප්‍රමිති සාදන ඇමරිකාවේ ඉලෙක්ට්‍රිකල් හා ඉලෙක්ට්‍රොනික් ඉංජිනේරුවන්ගේ ආයතනය (IEEE – Institute of Electrical and Electronics Engineering) නියමයන්ට අනුවය. ඔවුන් සැකසූ802.11 යන ජාල ප්‍රමිතිය (802.11 Networking Standard) මෙහිදී යෙදා ගැනේ.

 වයි-ෆයි ජාලයක් වැඩ කරන හැටි

කණුවක පිහිටුවා අැති Wi-Fi විකාශනය කිරීමේ උපකරණයක්

01) වයි-ෆයි හොට්ස්පොට් එකක් නිර්මාණය වන සේ ගොඩනැගිලි වල, පහන් කණුවල හා වෙනත් ස්ථානවල ඇන්ටනා සවි කරයි.

02) වයි-ෆයි ජාලයකට යොමු කෙරෙන මූලික ඉන්ටර්නෙට් සම්බන්ධය (Source internet connection)ඇති ඩෙස්ක්ටොප් පරිගණකය හෝ සර්වර් පරිගණකය ඇන්ටෙනාව සමග රැහැන් රහිතව හෝ සහිතව සම්බන්ධ කෙරේ.

03) දැන් සමහර මොබයිල් ෆෝන්වලටත් පාම්ටොප් පරිගණකවලටත් වයි-ෆයි තාක්ෂණය හදුනා ගැනීමේ මෙවලම් තිබෙන නිසා ඒවා හරහා ද මේ වයි-ෆයි ජාලයට සම්බන්ධ විය හැක.

04) ලැප්ටොප් පරිගණක ද වයි-ෆයි ලබා ගත හැකි උපාංග (ඇඩැප්ටර්) සමග එන නිසා දැන් ඒවාට ද මේ වයි-ෆයි ජාලයට සම්බන්ධ වෙන්නට පුළුවන.

වයි-ෆයි තාක්ෂණය යොදා ගෙන ඉන්ටර්නෙට් සම්බන්ධය හෝ වෙනත් ජාල සම්බන්ධතා හෝ ලබා ගන්නා විට ඇති වාසි

01) කේබල් යෙදීමේ අවශ්‍යතාවක් නැති නිසා ජාලය ස්ථාපිත කිරීම පහසුය.

02) බොහොමයක් ලැප්ටොප් සමග වයි-ෆයි ඇඩැප්ටර් සවි කොට තිබීම නිසා ඉන්ටර්නෙට් සම්බන්ධය ලබා ගැනීමට යන මූලික වියදමද අඩුය.

03) වයි-ෆයි ජාලයක් ස්ථාපිත කොට පවත්වා ගෙන යාම අනෙක් සන්නිවේදන ජාලයන්ට වඩා ලාභදායකය.

මේ වාසිදායක තත්වයන් සහිතව වුවත් වයි-ෆයි තාක්ෂණය යොදා ගැනීමේ යම් යම් සීමාවන්ද තිබේ. එනම්,

01) මේ සදහා යෙදවිය යුතු ශක්තිය ඉහල නිසා ලැප්ටොප් වල බැටරි කාලය අඩුවීම හා එහි රස්නය ඉහල යාම සිදුවේ.

02) වයි-ෆයි ජාලයක් බලපවත්වන්නේ සීමිත දුරකටය. ගෘහස්ත වයි-ෆයි රවුටරයක් නිසා උපදින හොට්ස්පොට් එකක් අඩි 150ක පමණ ප්‍රදේශයක් පුරා බලපවත්වයි. එසේම කුළුණු ආශ්‍රෙයන් පිහිටුවන හොට්ස්පොට් එකක් වුවත් බල පවත්වන්නේ අඩි 300ක පමණ දුරකටය.

වයි-ෆයි ජාලයකින් ලබා ගත හැකි වෙනත් ප්‍රතිලාභ

මෙසේ වයි-ෆයි ජාලයකින් වැසී ගිය නගරයක ධාවනය වන මොටර් රථ එකිනෙකට හදුනාගැනීමට පුළුවන් සේ වයි-ෆයි තාක්ෂණය යොදා ගැනීමේ වැඩසටහනක් දැන් යුරෝපයේ ක්‍රියාත්මකයි. යුරෝපීයන් කාර් ටූ කාර් (European Car – 2 – Car) ලෙස නම් කොට තිබෙන මේ වැඩසටහනට දායකත්වය දෙන්නේ යුරෝපයේ ප්‍රධාන මෝටර් රථ නිෂ්පාධන සමාගම් හා විශ්ව විද්‍යාල කීපයකි. මෙහීදී කරන්නේ වාහනවල වයි-ෆයි පද්ධති පිහිටුවා ඒවා අතර සම්බන්ධය ඇති කිරීමටය. එවිට නොපෙනෙන වංගුවකදී වුවත් එක් මෝටර් රථයකට අනෙක හදුනාගන්නට පුළුවන.

 වයි-ෆයි තාක්ෂණයෙන් ජනයා හදුනාගැනීමේ ක්‍රමයක් ෆින් ලන්තයේ ඉකාහෝ (Ekahua)සමාගම හදුන්වා දී තිබෙනවා, මෙය වයි-ෆයි ජාලයකින් හදුනාගන්නට පුළුවන් රේඩියෝ ටැග් එකකි. මෙම ටැග් (Battery Powerd RFID Tags) වලට ගැලපෙන වැඩසටහනක් දුවන ලැප්ටොප් එකකින් හෝ ටැබ්ලට් පීසී එකකින් ඒවා හදුනා ගන්නට පුළුවන. දියුණු රට වල තිබෙන පරිගණක පද්ධති යොදා ගන්නා රෝහල්වල හෙදියන්ට, මේවා පැලැදී රෝගීන් දැන් සිටන්නේ කොතනදැයි දැන ගැනීම මෙමගින් පහසුය.

මේ විදිහට දියුණු රටවල් බොහොමයක පාසල් හා විශ්ව විද්‍යාල වයි-ෆයි ජාලවලින් පොහොසත්ය.  මෙම තාක්ෂණයේ විශ්මය ඔබටත් ඉදිරියේදී දැකගැනීමට හැකි වනු ඇත.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

මෙතනින් යන්න​

839.ඩිස්නි ලංකාව ගැන චිත්‍රපටයයක් හදයි

ඩිස්නි ලංකාව ගැන චිත්‍රපටයයක් හදයි

රිවර් ක්වායි, ටෙම්පල් ඔෆ් ඩූම්, ටාසන් ඒප් මෑන් වැනි දැවැන්ත හොලිවුඩ් චිත්‍රපට මෙන්ම බොම්බේ වෙල්වට් වැනි බොලිවුඩ් චිත්‍රපටවලටත් ශ්‍රී ලංකාව අපූරු පසුබිම් දර්ශන එක්කර තිබෙනවා. ඒ විදේශීය නිර්මාණකරුවන් විසින් ශ්‍රී ලංකාවේ පසුබිම්, පසුතල ආදියට ඔවුන් විශාල වශයෙන් දක්වන කැමැත්ත හේතුවෙන්. එසේම අලුත්ම සිනමා නිර්මාණයක් වන මන්කි කින්ඩම් සඳහාද එම චිත්‍රපටය නිපදවනු ලබන කාටුන් කලාවේ පෙරළිකාරයන් වන ඩිස්නි සමාගම විසින් මෙරට පසුබිම් දර්ශන තල හා ස්වභා සෞන්දර්ය උපයෝගී කර ගනිමින් නිපදවා තිබෙනවා.

මෙම චිත්‍රපටය මගින් වනගත රාජධානියක  ජීවත් වන රිලවුන් රංචුවක් පාදක කරගනිමින් මෙහි කතාව ගොඩනැගී තිබෙනවා. 

මෙම රිලා රංචුවේ සිටින මායා නම් රිලවිය විසින් ඇයගේ ජීවිතයට තවත් කෙනෙක් එකතු කර ගනු ලබනවා. ඒ ඇයගේ දරුවායි. මෙලෙස ඇයට දරුවා ලැබීමත් සමග ඇයගේ දෛනික දින චර්යාවේ වෙනසක් ඇති වෙනවා. වෙනදාට වඩා පරිසරය සම්බන්ධයෙන් දැඩි අවධානයක්යොමු කරන කරන ඇය පරිසරය කෙරෙහි නිරන්තරයෙන් සැලකිලිමත් වෙමින් කටයුතු කරනු ලබනවා. එලෙස ඇය පරිසරය සම්බන්ධයෙන් උනන්දු වන්නේ පරිසරයෙන් ඇය වෙත පැමිණිය හැකි උවදුරු සම්බන්ධයෙන් අවදානයෙන් සිටීමටයි.

එසේ ආරම්භ වන මෙම කතා පුවත අධ්‍යක්ෂණය කරනු ලබන්නේ මාක් ලින්ග්ෆිලඩ් විසිනි. සම්මානනීය සංගිත අධ්‍යක්ෂවරයකු වන හැරී ග්‍රෙග්සන් විසින් මෙම සිනමා පටය සංගීතවත් කරනු ලබනවා. මෙම චිත්‍රපය එළැඹෙන අප්‍රේල් මාසයේ 17 වනදා අමෙරිකා එක්සත් ජනපදයේදීත් අප්‍රේල් මස 23 වනදා ශ්‍රී ලංකාව සහ කොලොම්බියාවෙත් මුල්වරට ප්‍රදර්ශනය කිරීමට කටයුතු යොදා තිබෙනවා.

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

- -

උපුටා ගැනිම නෙත්fm

මෙතනින් යන්න​

704.උකුණන් නිසා SELFIE ගැනීම තහනම් !

උකුණන් නිසා SELFIE ගැනීම තහනම් !

selfie ඡායාරූප ගැනීම නතර කරන ලෙස රුසියානු රජය එරට වැසියන්ට දැනුම් දී ඇති බව විදෙස් මාධ්‍ය වාර්තා කරයි.

selfie ඡායාරූප ගැනීම සඳහා කිහිප දෙනෙකු එක්වන විට කැමරාව අතේ දුරින් තබාගෙන ඡායාරූපය ගැනීම සඳහා ඔවුන්ගේ මුහුණු ළං කිරීමට සිදුවන බව රුසියානු රජය පවසයි.

එවැනි අවස්ථාවල එක් හිසක සිටින උකුණන් අනෙක් හිසට පැනීම හේතුවෙන් උකුණන් බෝවීම ඉහළ යන බව ද රුසියානු සඳහන් කරයි.

එමෙන්ම උකුණන් සහිත දරුවන් පාසල් නොයවන ලෙසට ද රුසියානු සෞඛ්‍ය බලධාරීන් උපදෙස් දී තිබේ.

මෙතනින් යන්න​

670.පරිගණක මවුසයේ නිර්මාතෘ ඩග්ලස් එංගල්බර්ට්

පරිගණක මවුසයේ නිර්මාතෘ ඩග්ලස් එංගල්බර්ට් 

මෙම ලිපිය කියවන ඔබේ අත මේ මොහොතේත් රැඳී ඇත්තේ මීට වසර 40 කට පෙර ඔහු විසින් නිපදවන ලද ඒ අපූරු නිර්මාණය මතයි. ඔබේ අත්ලට යටින් ඇති පරිගණක මවුසයේ නිර්මාතෘවරයා ඔහුයි. ලෝකය වෙනස් කළ තාක්ෂණික සංකල්ප රැසක් ලොවට ඉදිරිපත් කලේ ඔහුයි. ඩග්ලස් එංගල්බර්ට් නම් වූ මේ අසහාය පරිගණක පුරෝගාමියා වසර 88 ක් වූ සිය ජීවන කාලය නිමා කොට 2013 ජූලි 02 වැනි දා සදහටම සිය දෑස් පියා ගත් වග පාඨක ඔබට දැන්විය යුතුව තිබේ.

ඩග්ලස් එංගල්බර්ට් යනු හුදෙක් මවුසයේ නිර්මාතෘ පමණක් නොවේ. ඊ-මේල් පණිවුඩකරණය, ලිපි සැකසුම් මෘදුකාංග හෙවත් word processing programs හා අන්තර්ජාලය යන සංකල්ප වල මූලික අදහස ද ඔහුගේය. මේ පුරෝගාමී පරිගණකවේදියා පසුගිය ජූලි 02 වැනිදා රාත්‍රී නින්දේදීම අවසන් හුස්ම හෙලා ඇති බව ඔහුගේ දියණිය වන ක්‍රිස්ටිනා එංගල්බර්ට් විසින් ලෝකයට දැනුම් දෙන්නට යෙදිණි. එංගල්බර්ට් කාලයක් දිස්සේම අයහපත් සෞඛ්‍යය තත්ත්වයෙන් පසුවුනු අතර ඔහුගේ මරණය ස්වාභාවිකව, වයස්ගත වීම නිසා සිදුවූවකි.

1960 දශකයේ මුල් කාලයේදී එංගල්බර්ට් විසින් පරිගණක මවුසයේ පළමු ආකෘතිය නිපදවන ලදී. කෙසේ වුවත් එයට හිමි පේටන්ට් සහතිකය ලබාගන්නට ඔහුට හැකිවන්නේ තවත් වසර 17 කට පමණ පසුවයි. ඒ සඳහා හේතු වූයේ 60-70 දශකවලදී පිටස්තරව ඈඳූ උපාංගයකින් පරිගණකය පාලනය කිරීම යන්න දුරස්ථ අදහසක් වීමයි. පැහැදිලිවම එංගල්බර්ට් ගේ මවුසය එය නිර්මාණය කළ කාලයට එහා ගිය නිර්මාණයක් වූ අතර 1984 දී ඇපල් සමාගමේ මැකින්ටොෂ් පරිගණකය සමග එක්ව පැමිණෙන තුරු පරිගණක මවුසය ලෝකයේ ජනප්‍රිය වූයේ නැත.

එංගල්බර්ට් ගේ පළමු මවුසය ලී පෙට්ටියක් ඇතුළත ඇටවූ ලෝහ රෝද දෙකක් පමණි. ඒ වන විට එම ලී පෙට්ටිය හා රෝද දෙකෙන් ගත හැකි ප්‍රයෝජන ගැන ලෝකයා දැන නොසිටි නිසා ඔහුගේ සංකල්පය පරිගණක ලෝකයේ ජනප්‍රිය නොවීය. ඒ නිසාම පේටන්ට් හිමිකම ලැබෙන විට මවුසය නිර්මාණයේ බුද්ධිමය හිමිකමෙන් වත්කමක් උපයා ගැනීමට එංගල්බර්ට් ට හැකි වූයේ නැත. එසේ හැකි වූවා නම් මෙතෙක් ලොව පුරා විකිණී ඇති බිලියන ගණනක් වන මවුස් වලින් එංගල්බර්ට් හට විශාල ආදායමක් උපයාගත හැකිව තිබිණි.

1925 ජනවාරි 30 වැනි දින උපත ලද එංගල්බර්ට්, ඔරිගන් ප්‍රාන්තයේ, පෝර්ට්ලන්ඩ් ප්‍රදේශය ආසන්න කුඩා ගොවිපලක සිය කුඩා කාලය ගත කලේය. කුඩා කළ සිට ඔහුගේ අපේක්ෂා අතර වූයේ මනුෂ්‍ය බුද්ධිය වැඩි වර්ධනය කරවිය හැකි උපක්‍රම පිළිබඳවයි.

1968 දී පැවැත්වුනු සැන් ප්‍රැන්සිස්කෝ පරිගණක සම්මේලනයේදී ඩග්ලස් එංගල්බර්ට් විසින් ඉදිරිපත් කරන ලද මහජන ප්‍රදර්ශණය ඉතා විශේෂ එකකි. එහිදී ඔහු පළමු වරට මවුසය හා පරිගණක ජාලකරණය ගැන ප්‍රසිද්ධියට පත් කරන ලද අතර පරිගණක ලෝකය එයින් කැළඹීමට පත්විය. ඔහුගේ ඉදිරිපත් කිරීම අවසානයේදී සම්මේලනයේ රැස්ව සිටි පිරිස සිය අසුන් වලින් නැගිට එංගල්බර්ට් හට දිගු අත්පොලසන් ප්‍රසාදයක් ලබාදුන්නේ මේ අසහාය නිර්මාණකරුවාට කරන ගෞරවයක් වශයෙනි.

ඉහත කී පරිගණක සම්මේලනයේදී ඩග්ලස් එංගල්බර්ට් ඉදිරිපත් කරන ලද කථාවේදී එක් වැදගත් කොටසක් ඔබට ගෙනහැර දැක්විය යුතුව ඇත. “මම දන්නේ නෑ ඇයි අපි ඒකට මවුසය කියන්නේ කියලා... මම සමහරුන්ගෙන් ඒ නම පිළිබඳව සමාව ඉල්ලා තිබෙන අවස්ථා ද එමටයි. මුලදීම ඒකට නම වැටුනේ ඔය විදියට තමයි. අපි කාටවත් ඒක වෙනස් කරන්න වුවමනාවක් තිබුනෙත් නෑ...” යැයි ඔහු එහිදී පවසා තිබිණි.

ඩග්ලස් එංගල්බර්ට්  ගේ වෙනත් නිපැයුම් හා සංකල්ප අතර hypertext හෙවත් එක් වදනකින් වෙනත් ගොනුවකට පිවිසීමේ සංකල්පය, වීඩියෝ සාකච්ඡා පැවැත්වීමේ සංකල්පය යනාදිය ද වේ. එසේම තමාගේම පර්යේෂණායතනය වන Augmentation Research Center මගින් සිදුකරන ලද පර්යේෂණ මගින් ARPANet හෙවත් ලොව පළමු පරිගණක ජාලය හා අන්තර්ජාලයේ මුල් පියවර බිහි කිරීමට ද ඔහු සිය දායකත්වය ලබාදී තිබේ. 1990 දී එංගල්බර්ට් විසින් Bootstrap ආයතනය ආරම්භ කරන ලද්දේ සංකීර්ණ ගැටළු විසඳීම සඳහා දැනුම් සහයෝගීතාවයක් ඇති කරලීම සඳහායි.

කෙතරම් උසස් නිර්මාණකරුවෙක් වූවත්, පරිගණක වංශ කථාවේ යෝධ පුරුකක් වුවත් මේ අපූරු මිනිසා ඉතා නිහතමානී චරිතයක් විය. වර්ෂ 2000 දී එවකට ඇමෙරිකානු ජනාධිපති වූ බිල් ක්ලින්ටන් විසින් ඩග්ලස් එංගල්බර්ට් හට තාක්ෂණය පිළිබඳව වූ ජාතික පදක්කම පිරිනමන ලදී. ඒ පුද්ගල පරිගණක තාක්ෂණය සඳහා මුල් අඩිතාලම දැමීම අගය කරනු සඳහායි. එසේම ඊට පෙර 1997 දී Lemelson-MIT නම් ඩොලර් 500,000 ක මුදල් ත්‍යාගයක් ද ඔහුට හිමිවිය. මේ සියළු ගරු බුහුමන් ලැබුණත්, ඩග්ලස් එංගල්බර්ට් තමාට ලැබුණු ගෞරවයන් තනියම බදා නොගෙන ඒවායේ ගෞරවය සිය සගයන්ට ද ලබා දෙන්නට තරම් නිහතමානී වූයේය.

එංගල්බර්ට් ගේ  දියණිය විසින් රචිත ඔහුගේ චරිතාපදාන කෘතියේදී එංගල්බර්ට්  මෙසේ පවසා තිබේ. “මම බොහෝ සංකල්පයන් මුලින්ම ලොවට ඉදිරිපත් කළ බව ඇත්තයි. නමුත් ඒවායින් බොහෝමයක්ම මා සමග වැඩ කළ කාර්ය මණ්ඩලයේ සගයන්ගේ නව අදහස් ඇසුරෙන් උපන් ඒවායි. සමහර විටෙක මා ඉදිරිපත් කළ නව සංකල්පයක් ඔවුන් විසින් මා හට විස්තර කරන තුරුම මට වටහා ගත නොහැකිවුණු අවස්ථා ද තිබිණි. ඉතින් ඇත්තෙන්ම මට ලැබෙන ගෞරවයෙන් කොටසක් නිතැතින්ම ඔවුන්ටත් හිමි විය යුතුයි...”

ඒ ප්‍රකාශයෙන්ම ඔහු කෙතරම් නිරහංකාර, මනුෂ්‍ය ගතිගුණ වලින් හෙබියෙක් දැයි වටහාගත හැකි වනු ඇත. බොහෝ විට සිදුවන්නේ පරිගණක සමග වැඩ කරන ‘පණ්ඩිතයන්’ සියල්ලෝමත් යන්ත්‍ර බවට පත්වී මිනිස් ගති නැතිව යෑමයි. ඒ අර්ථයෙන් බැලීමේදී ඩග්ලස් එංගල්බර්ට්  ඉතා ආදර්ශවත් පාඩමක් අපට ලබාදෙයි. අනාගත පරිගණක ලෝකයට තව තවත් නවමු අදහස් හා නිපැයුම් තිළිණ කරන්නට යලිත් වරක් ලොවට පහළ වේවායි පතමින් මේ පුරෝගාමී පරිගණක ඉංජිනේරු විශ්මකර්මයා හට ඔබේත්, මගේත් ආචාරය පුද කර සිටිමු...

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

මෙතනින් යන්න​

664.ඇන්ඩ්‍රොයිඩ් ලොලිපොප් ඔබේ දුරකථනයටත් ලැබෙනවාද බලාගන්න

ඇන්ඩ්‍රොයිඩ් ලොලිපොප් ඔබේ දුරකථනයටත් ලැබෙනවාද බලාගන්න

අලුතින් මේ ගූගල් සමාගම විසින් නිපදවපුප ඇන්ඩ්‍රොයිඩ් ලොලිපොප් එහෙමත් නැත්නම් Android 5.0 Lollipop සංස්කරණය මගේ ජංගම දුරකථනයටත් ලැබෙයිද, මගේ ටැබ් එකටත් ලැබෙයිද, ලැබෙනවනම් කවදා වගේ ලැබෙයිද කියලා හිතන පිරිසක් මේ වෙද්දී බිහිවෙලා ඉන්නවා. සමහරවිට ඔබත් ඒ කොටසේ කෙනෙක් වෙන්න පුලුවන්. 

මේ ගැටළුව නිසාම ලිපියක් ආධාරයෙන් මොන උපකරණයටද මේ වෙද්දී ලොලිපොප් යාවත්කාලීන කිරීම ලැබෙන්නේ කියලා සටහන් වෙලා තියෙන නිසා ඒ උපකරණයන් ටික සඳහන් කරන්නම්. හැබැයි, මේවා වෙනස් වෙන්න පුලුවන් සමහරවිට.  

පහතින් දක්වා ඇත්තේ ලොලිපොප් සංස්කරණය මේ වනවිට ලැබේවියැයි කියනු ලබන උපකරණයන්.

Samsung (සැම්සුන්ග්)

තවමත් නිවැරදි ප්‍රතිචාරයක් සැම්සුන්ග් සමාගම විසින් නිකුත් කරලා නැහැ. ඒත් අපිට තියෙන එකම සාක්ෂිය තමයි මීට කලින් ඉඳිරිපත් කරපු Android 5.0 සංස්කරණයෙහි පෙර දැක්ම Samsung Galaxy S5 (සැම්සුන්ග් ගැලක්ස් S5) ජංගම දුරකථනය භාවිතා කරමින් සිඳුකරනු ලැබූ වීඩියෝව පමණයි. එම වීඩියෝව සහිත ලිපිය නැරඹීමට මෙතන ක්ලික් කරන්න. එම හේතුව නිසා දැනට අපට හිතන්න පුලුවන් මේ ගැලක්සි S5 දුරකථනයට මේ ලොලිපොප් යාවත්කාලීනය ලැබෙයි කියලා.
Galaxy S5

HTC
HTC ආයතනය විසින් නිවේදනයක් නිකුත් කරලා තියෙනවා Android Lollipop නිකුත් කරපු දවසේ ඉදන් දවස් 90ක් ඇතුලත HTC පාරිභෝගිකයන්ට ලොලිපොප් සංස්කරණය අත්විඳින්න ලබාදෙන බවට. අන්තර්ජාලයේ තිබෙන බොහොමයක් කරුණු කාරනා නිසා අපට කියන්න පුලුවන් මේ HTC දුරකථන වලට සේරටම කලින් මේ ලොලිපොප් යාවත්කාලීනය ලැබෙයි කියලා. පහතින් දක්වා ඇත්තේ HTC ආයතනය විසින් ලොලිපොප් සංස්කරණය ලබාදෙන බවට පැවසූ උපකරණයන්ය.
One (M8) – confirmed by HTC
One (M7) – confirmed by HTC
One (M7) Dual SIM
One (M8) Dual SIM
One Mini 2
One Mini – confirmed by HTC
One E8
One E8 Dual SIM
One Max
Butterfly S
Butterfly 2
Desire EYE
Desire 816
Desire 610

LG
LG සමාගම විසින් සැම්සුන්ග් සමාගම වගේම හරිහැටි උත්තරයක්නම් දීලා නැහැ. ඒත් මෙයාලගේ උපකරණයන් දෙකකට අලුත් සංස්කරණය ලැබෙයි කියලා තමයි ආරංචි මාර්ග වල හැටියටනම් හිතෙන්නේ.
G3
G2

Motorola
Nexus 6 පාරිභෝගිකයාට ඉඳිරිපත් කරපු ගමන්ම, මෝට්රෝලා සමාගම කිව්වා දැනට එයාලගේ අලුතින්ම ඇවිත් තියෙන හැම උපකරණයකටම මේ ලොලිපොප් සංස්කරණයේ යාවත්කාලීනය ලබාදෙනවා කියලා. පහත දක්වලා තියෙන්නේ මෝට්රෝලා සමාගම විසින්ම ලොලිපොප් යාවත්කාලීනය ලබාදෙනවා කියලා ස්ථීර කරපු උපකරණයනුයි.
Moto X (1st Gen. & 2nd Gen.)
Moto G (1st Gen. & 2nd Gen.)
Moto G with 4G LTE
Moto E
Droid Ultra, Droid Maxx, and Droid Mini

Nexus
අලුත් Nexus උපකරණයන් ගැන විස්තර නිකුත් කරාට පස්සේ, ගූගල් සමාගම තරයේ ප්‍රකාශ කරනු ලැබුවා Nexus 4 ඉදන් තියෙන හැම දුරකථනයකටම සහ ටැබ්ලට් උපකරණයකටම මේ ලොලිපොප් සංස්කරණය ලැබෙනවා කියලා. 
Nexus 4, 5, 7 (WiFi සහ LTE) සහ Nexus 10 යන උපකරණයන්ට ලොලිපොප් යාවත්කාලීනය ලබාදෙනවා කියලා ස්ථීර කරලා තියෙනවා වගේම Nexus 6 සහ Nexus 9 පාරිභෝගිකයාට මිළඳී ගන්න හැකි වෙන්නේ මේ ලොලිපොප් සංස්කරණය එක්කමයි. ඒවගේම ගූගල් සමාගම කියන විදිහට GPE හෑන්ඩ්සෙට් එකටත් සේරටම කලින් මේ යාවත්කාලීනය ලැබෙයි වගේ.


OnePlus
දැනට එක දුරකථනයක් තිබුනත්, ඒ දුරකථනයටත් මාස තුනක් ඇතුලත මේ ලොලිපොප් සංස්කරණය ලබාදෙනවා කියලයි මේ අය කියන්නේ.
OnePlus One

Sony
සෝනි සමාගම කියන විදිහටනම් Android 5.0 හැම Xperia Z (එක්ස්පීරියා Z) උපකරණයකටම ලබාදෙනවා. පහතින් දක්වා ඇති සියල්ලක්ම සෝනි සමාගම විසින් තහවුරු කරන ලැබූ උපකරණයන්ය.
Xperia Z3
Xperia Z3 Compact
Xperia Z3 Tablet Compact
Xperia Z3v
Xperia Z2
Xperia Z1
Xperia Z1 Compact
Xperia Z
Xperia Tablet Z
Xperia Z Ultra
Xperia ZL
Xperia ZR

Android One
Karbonn Sparkle V, Micromax Canvas A1 සහ Spice Dream Uno කියන උපකරණයන් තුනටත් ඉක්මනින්ම ලොලිපොප් සංස්කරණය ලැබේවි. මේ දුරකථන තුනට ලොලිපොප් යාවත්කාලීනය ලබාදෙනවා කියලා ගූගල් සමාගම විසින්ම තහවුරු කරලා තියෙනවා.
Karbonn Sparkle V
Micromax Canvas A1 
Spice Dream Uno
Android 5.0 Lollipop Quick Look! 

මේ ලැයිස්තුවට අලුතින් මේ ලොලිපොප් යාවත්කාලීනය ලැබෙනවා කියලා අහන්න ලැබෙන සෑම උපකරණක්ම එකතු කරනු ලබනවා. ඒ හන්දා ඔබේ දුරකථනයටත්, ටැබ්ලට් එකටත් මේ සංස්කරණය ලැබෙනවාද කියලා දැනගන්න දිගටම මේ පිටුවත් එක්ක රැඳිලා ඉන්න. 

දිනපතා ඵලවන අලුත්ම ලිපි  දැනගැනිම සදහාඅපේ facebook පිටූවට 

like කලේ නැතිනම් like එකක් 

දාගෙනම යන්න​.

මෙතනින් යන්න​