ඔබටත් නින්ද යනවා හොරයිද ?
නින්ද යනු සුවබර දිවියකට අත්‍යවශ්‍ය සාධකයකි. ලොව පුරා නින්ද පිළිබඳව කර ඇති පර්යේෂණ වලින් පෙන්වා දෙන ආකාරයට දවස පුරා ක්‍රියාකාරිත්වය නිසා ගෙවි යන සහා විඩාවට පත්වන ස්නායු සෛයිල යථා තත්වයට පත්විමට නින්දෙන් ලැබෙන පිටුවහල අතිමහත්ය. නින්ද යනු අවධී කිහිපයකින් සමන්විත ක්‍රියාවලියක් වන අතර එක් එක් අවදීන් වලට අනුරූපව මොලයේ ක්‍රියාකාරිත්වයේ පැහැදිළී වෙනස් කම් දැකිය හැකිය. නින්ද හා සම්බන්ඳ මානසික රෝග ගණනාවක් හදුනා ගෙන ඇති අතර මේ අතර රාත්‍රි කාලයේදි ප්‍රමාණවත් නින්දක් නොලැබිම (primary insomnia ) ප්‍රධාන තැනක් ගනි.
මේ තත්වටම මුහුණ දුන් රෝගින්ට ඇදට ගිය පසු නින්ද කරා එළැඹිමට වැඩි කාලයක් ගතකිරිමට සිදුවන අතර රාත්‍රිය‍ෙදි වරින් වර දිගු වේලාවක් අවදි වී සිටිම වැනි රෝග ලක්ෂණයන් ඇතිවිය හැකිය. බොහෝ විට ඔවුන් පවසා සිටින්නේ රාත්‍රිකාලයෙදි ගැඹුරු නින්දක් ඔවුනට නොලැබෙන බවත් නිතරම ඇඳේ එහා මෙහා පෙරළමින් නින්දක් ලබාගැනිමට උත්සහා කරන බවත්ය. බොහෝ අවස්ථාවල සිදුවන්නේ මෙලෙස අධික ලෙස නින්ද ඇතිවන බාධාව නිසා ඒ පිළිබඳව මානසික පිඩාවකට ඔවුන් ලක්විමත්, මේ තත්වය බාලාපොරෙත්තුවෙන්ම නින්දට සුදානම් විම නිසා තව තවත් නින්දට බාධා ඇති විමත්ය. ඒම නිසා මෙම විෂම චක්‍රයෙන් මිදිමට රෝගින් වග බලාගත යුතුයි.
එමෙන්ම නින්ද අතරතුර අවදි වු විට වේලාව බැලිම නැවත නින්ද යන තුරු නොයිවසිලිමත්ව පසු විම ආදි නොකළ යුතුයි. එමෙන්ම නිදි ඇදේ සිට පොත් කියවිම රූපවාහිනිය නැරඹිම යනාදියට යොමුවිම ආදිය නින්දට බධා ඇතිවිම උග්‍ර කළ හැකිය. එමෙන්ම කැෆේන් අඩංගු පානවර්ග භාවිතයෙන් වැළකිම ( කෝපි, තේ, නෙස්කැෆේ ) නින්දට ලංවි බර ආහාර වේලක් ගැනිම, ආදියෙන් වැළකි සිටිම අත්‍යවශ්‍යයිවේ. දිනපාතා එකම වේලාවක නින්දට යෑමට හැකිතාක් උත්සහා කිරිම නිදිමත නැති වුනත් නිකරුනේ ඇඳට ගොඩවි නිදි නොලබා ගත නොකිරිම දහවල් කාලයේ පැය කිහිපයක් නිදා ගෙන පුරුද්දක් ඇතිනම් එයින් ඇත් විම මෙම තත්වයෙන් මිදිමට ඉතා වැදගත් වේ.
එමෙන්ම නින්දට ඇතිවෙන මානසික සුදානමද අත්‍යවශ්‍ය වෙන අතර මඳ රස්නය ඇති වතුරෙන් ඇඟ සෝදා ගැනිම, සැහැල්ලු ඇදුමකට මාරු විම,නින්දකට පෙර මඳ රස්නේ කිරි විදුරුවක් පාණය කිරිම, වැනි පුරුදු සුවබර නින්දකට උදව් කරන සාදක අතර මුල් තැන ගනී. නිදාගැනිමට සුදුසු පරිසරයක් පවත්වා ගැනිම පිළිබඳව සැලකිළීමත් විය යුතු අතර නිදන කාමරය ශබ්ද වලින් තොර අඩු ආලෝකය, අධික උණුසුමක් හෝ සිතල අඩු තැනක් විය යුතුය. විෂාදය, කාංසාව වැනි මානසික රෝග, නින්දෙදි හුස්ම ගැනිමට ඇති අපහසු තාවය (sleep apnoea ) රැකියාවේ හෝ පවුලේ ඇති තාවකිලික ගැටලු ජිවන රටාවේ වෙනස් කම්, වැඩ මුරවල වෙනස් කම් ( shift of work ) දිරිඝ ගුවන් ගමනකින් පසු කාලය වෙනස් විම ( jet lag ) අධීක වේදනා ඇති කරන කායික රෝගි තත්වයන්, සමහරක් ඖෂධ වර්ග වැනි හේතු නිසා නින්දේ ගැටලු ඇතිවිය හැකිය.
සාමාන්‍යයෙන් ගත් කල පුද්ගලයකුට පැය 6-7 ක පමණ නින්දක් අවශ්‍යෙව්. නමුත් පුද්ගලයාගෙන් පුද්ගලයාට මෙය වෙනස් විය හැක. ළදරුවකු දවසේ බොහෝ පැය ගානක් නින්දේ ගතකරන අතර වැඩිහිටි වියට පත්විමත් සමග මෙය පැය 5-6 ත් කාලයකට සිමා වේ. එම නිසා දින කිහිපයක් නින්දට බාධා ඇති වු විට ඒ පිළිබඳව කනස්සල්ලට පත් නොවි මෙවැනි වෙනස් විම් ඉඳහිට සාමන්‍ය දෙයක් බව අවබෝධ කරගත යුතුයි. නමුති එදිනදා නිවසේ කටයුතු රාජකාරි ස්ථානයේ වගකිම් වලට දැඩි බාධා ඇතිවන පරිදි මාසයක් හෝ ඉට වැඩි කාලයක් පුරා නින්දට පත්විමේ හෝ එක දිගට නින්ද ගතකිරිමේ අපහසුවකින් යම් කෙනෙකු පිඩා විදිනම් මනෝ වෛද්‍ය ප්‍රතිකාරවලට යොමු විම වඩාත් සුදුසු වේ.
දිනපතා ඵලවන අලුත්ම ලිපි දැනගැනිම සදහාඅපේ facebook පිටූවට
like කලේ නැතිනම් like එකක්
දාගෙනම යන්න.
දාගෙනම යන්න.
